Champion sa Senior Category, Best Documentary Film at Best in Editing ang “DUHAWIS: GERILYA DUGONG BAYANI,” ni Ronaldo N. Dionisio, opisyal na entry ng Meycauayan LGU habang sa Junior Category, Ikalawa at Ikatlong Gantimpala naman ang mga pelikulang “DAPIT-HAPON: PISARA” ni Jasmin Idesa Reynoso ng  Meycauayan National High School at “IMPIONG: ANG HAKBANG NG MAGITING” ni Rachell Ann Veloz ng Saluysoy Integrated School. Nakamit din ng pelikula ni Jasmin Reynoso ang Best Trailer at Audience Choice Award.

Sa kauna-unahang pagkakataon, hindi lamang nakamit ng mga Meycaueño ang pinakamataas kundi pati na rin ang pinakamaraming parangal  sa 5th SINEliksik Bulacan DocuFest sa pagdiriwang ng Singkaban 2023 sa seremonyang ginanap noong Setyembre 12, 2023 sa Hiyas ng Bulacan Convention Center, Lungsod ng Malolos!

Napupunuan ng mga pelikulang nabanggit ang mga puwang sa kasaysayan kaugnay sa mga iniambag, paninindigan at sakripisyo ng mga taga-Meycauayan sa Ikalawang Digmaan. Kinikilala rito ang ilan sa mga gumanap sa pelikula ni Ron Dionisio, namumuno ng History Promotion & Development ng City History, Arts, Culture, and Tourism Council ng Pamahalaang Lungsod: Konsehal Cocoy Dulalia, Punong Barangay Bryan San Pedro ng Zamora, Prof. Elma Baltazar, Ciriaco Brigade Tiradoresat mga guro ng Araling Panlipunan ng DepEd-Meycauayan (Meycauayan Reenactors Group); Christopher Conahap, EdD, Welfredo Escalante, Jerick de Guzman, Reygel Diez, Arnold Gulinao, Ramon Lazaro, Jonas Peromingan, Paul Salazar, at Fernando Simbillo.

Ipinagmamalaki kayo ng buong Meycauayan, congratulations!